Studietur til England med Sogn frukt- og siderlaug
Herefordshire i England er kjent for sin rike sidertradisjon og frodige frukthagar. The Ciderologist, Gabe Cook tek oss med til sine favorittar blant sider- og perryprodusentar i regionen. Det blir god mat i samspel med god drikke, og mykje inspirasjon å ta med heim til Sogn.
Program og reiserute er skreddarsydd av Gabe Cook, som sjølvsagt også blir med som guide dei første tre dagane i hans heimregion Herefordshire. Han er ein prisvinnande siderekspert som brenn for å gje sider den respekten han meiner drikken fortener. Med erfaring frå heile verda bringer han med seg eit unikt perspektiv og ei ekte lidenskap for sider. Med Gabe som guide utforskar vi kulturen, historia og smaken av sider på ein måte som set seg både på smaksløkane og i minneboka.
Vi har base i Hereford, ein by sentralt i regionen. Den er kjend for å ligge langs elva Wye, og den store middelalderkatedralen Hereford Cathedral i lys stein. Ein by med brusteinsgater og hus i tømmer og stein frå 1700-talet, men også ein blomstrande scene for restaurant og matopplevingar. Desse kjenner sjølvsagt vår guide Gabe Cook godt, og vi et der han seier vi skal ete.
Vi skal besøke eit godt utval produsentar i området. Blant dei er Little Pomona, ein relativt ny aktør som allereie nyt høg annerkjennelse i Storbritannia. Dei er kjende for å bruke metodar frå vinverda til å lage sponangjæra og trafisjonelle siderar og perry. Den økologiske frukt- og siderprodusenten Newton court er kjende for sine gode besøksopplevingar og lunsjar med lokale råvare. Oliver`s cider & perry, Tom Oliver, er kjend for sine vågale villgjæra sidrar. Skitterys Orchard dyrkar og sel eple til fleire av dei store siderprodusentane, og lagar også sin eigen. Familieeigde Westons er den fjerde største siderprodusenten i Storbritannia, og miksar tradisjonell og moderne siderproduksjon. Ross Cider spesialiserer seg på å lage sider og perry av ein og ein sort, og har over 100 ulike variantar.
Den siste dagen på tur reiser vi vidare til Somerset, der dei er kjende for å lage sider på ete-eple. I Somerset besøker vi Wilkins Cider og The Newt, kjende for sine besøksopplevingar på den meir luksuriøse sida.
Turen er eit samarbeid mellom Sogn frukt og siderlaug og Sognefjord næringshage. Ein må vere målbedrift i Sognefjord Næringshage for å få rabattert pris (50 prosent) på studieturen. Målbedriftsavtale kostar 3000 for bedrift med 0-5 tilsette, og 5000 for bedrift med 6-20 tilsette.
Pris per person i enkeltrom: 6000,- med målbedriftsavtale i Sognefjorden næringshage (pris uten målbedriftsrabatt: 12 000,-)
Pris per person i dobbeltrom/twinrom: 4500,- med målbedriftsavtale i Sognefjord Næringshage (pris uten målbedriftsrabatt: 9 000,-)
Prisen inkluderer:
4 overnattingar (inkludert frukost)
Transport på turen
Guiding v/ Gabe Cook
Alle aktivitetar og bedriftsbesøk
Lunsj x 3
Middag x3
Flybillettar er ikkje inkludert, og må bestillast av dykk sjølve så snart de får bekrefta plass på turen.
Er du frå ei verksemd utanfor Sognefjorden næringshage sitt nedslagsfelt? Ta kontakt, så ser vi om vi kan ordne ein avtale med din næringshage!
Påmelding innan 24. januar.
Ta kontakt med Sigrid Skjerdal på Sigrid@sognnaring.no/41454344 om du har spørsmål om turen eller påmeldinga.
12.–16. mars 2025
Dag 1 – Onsdag 12. mars
Overnatting: Green Dragon Hotel, Hereford
09:15: Avreise: Bergen Flesland med Norwegian
10:15: Ankomst London Gatwick Airport, busstransport til Herefordshire (kjøp med lunsj til bussturen)
13:30: Innsjekking på Green Dragon Hotel, Hereford
15:00: Besøk på Cider Museum, Hereford
16:30: Sightseeing i Hereford
18:30: Middag på Burger Shop, besøk på The Barrels pub
Dag 2 – Torsdag 13. mars
Overnatting: Green Dragon Hotel, Hereford
09:00: Besøk hos Little Pomona, siderprodusent
09:30: Besøk til siderprodusenten Little Pomona
12:00: Lunsj og besøk på Newton Court, økologisk sidergård
14:00: Besøk hos Oliver's Cider & Perry
18:00: Hereford beer house
19:00: Middag på The Bookshop, Hereford
Dag 3 – Fredag 14. mars
Overnatting: Green Dragon Hotel, Hereford
09:00: Avreise frå hotellet til Skittery's Orchards
11:30: Besøk hos Westons, den 4. største siderprodusenten i Storbritannia. Framleis familieeigd.
15:00: Besøk hos Ross Cider, epledyrkarar og siderprodusentar som spesialiserer seg på einskildsort sider og perry. 100 variantar
17:30: Middag på Yew Tree Inn, pub driven av Ross Cider
Dag 4 – Lørdag 15. mars
Overnatting: Hotell ved Gatwick flyplass
08:00: Avreise frå Green Dragon Hotel
10.15 Besøk hos Wilkins Cider
12:05: Besøk hos The Newt, omvisning på sider- og hotellområdet
15:00: Avreise til flyplass-hotellet
18:00 Ankomst Gatwick airport hotel
Dag 5 – Søndag 16. mars
09:15: Returfly til Bergen/Oslo