Kompensasjonsordninga – redusert eigenandel og ny berekningsmodell for sesongbedriftene
Regjeringa gjer no endringar i kompensasjonsordninga for næringslivet. Eigenandelen for bedrifter som ikkje er stengt ned av staten vil bli halvert til 5 000 kroner frå og med søknaden for april. I følge Finansdepartementet vil det føre til at rundt 10 000 fleire bedrifter vil bli omfatta av ordninga.
Det blir også jobba vidare med å få på plass ein ny berekningsmodell som gjer at kompensasjonsordning skal treffe sesongbedriftene betre. Desse bedriftene er ekstra sårbare for midlertidige omsetningstap dersom det skje i høgsesongen. Modellen er i følge regjeringa snart klar, og det blir lagt opp til ei samla etterbetaling for mars, april og mai.
